អំពីអមតៈ

គ្រឹះស្ថានមីក្រូហិរញ្ញវត្ថុអមតៈបានចុះបញ្ជីពាណិជ្ជកម្មជាមួយក្រសួងពាណិជ្ជកម្មក្រោមអាជ្ញាប័ណ្ណលេខ ២៦៧៧ KH/២០១២ នៅថ្ងៃទី៩ ខែតុលា ឆ្នាំ២០១២។ ក្រុមហ៊ុន បានទទួលអាជ្ញាប័ណ្ណជាស្ថាប័នមីក្រូហិរញ្ញវត្ថុ ពីធនាគារជាតិនៃកម្ពុជាដើម្បីប្រតិបត្តិការសកម្មភាពមីក្រូហិរញ្ញវត្ថុ នៅថ្ងៃទី១៤ ខែមករា ឆ្នាំ២០១៣ ។ នៅថ្ងៃ ទី៣១ ខែឧសភា ឆ្នាំ២០១៦ ក្រុមហ៊ុនក៏បានទទួលអជ្ញាប័ណ្ណជាថ្មីពាក់ព័ន្ធនឹងការកំណត់ដើមទុនថ្មីលេខ ០០០០៤៩៩០ ពីក្រសួងពាណិជ្ជកម្មផងដែរ។

ចាប់តាំងពីបង្កើតគ្រឹះស្ថានមីក្រូហិរញ្ញវត្ថុ អមតៈ ខាប់ភីថល ភីអិលស៊ី មកគ្រឹះស្ថានត្រូវបានទទួលការស្វាគមន៍យ៉ាងខ្លាំងពីសំណាក់អតិថិជនរបស់ខ្លួន ។សេវាកម្មរបស់គ្រឹះស្ថាន គឺផ្តល់សេវាកម្មល្អបំផុត និងមានគោលនយោបាយតម្លាភាពដែលធ្វើឲ្យគ្រឹះស្ថានទទួលបានកិត្យានុភាពល្អ ។ នៅចុងឆ្នាំ២០២០គ្រឹះស្ថានមីក្រូហិរញ្ញវត្ថុ អមតៈ ខាប់ភីថល ភីអិលស៊ី បានផ្តល់ប្រាក់កម្ចីជូនប្រជាពលរដ្ឋជាង១៧០០គ្រួសារ នៅទីក្រុងភ្នំពេញ និងតំបន់ជាយក្រុង ។ ក្រៅពីផ្តល់ប្រាក់កម្ចីខ្នាតតូចដល់គ្រួសារដែលមានចំណូលទាប និងអាជីវកម្មខ្នាតតូច គ្រឹះស្ថានមីក្រូហិរញ្ញវត្ថុ អមតៈ ខាប់ភីថល ភីអិលស៊ី ក៏មានផ្តល់ឥណទានសម្រាប់ទិញសម្ភារប្រើប្រាស់ផងដែរ ដែលផ្តោតលើកម្លាំងពលករកម្ពុជាវ័យក្មេង ឥឡូវនេះពួកគេទទួលបានការអប់រំសិក្សាកាន់តែច្រើនឡើង និងការកើនឡើងនូវចំណេះដឹងផ្នែកបច្ចេកវិទ្យាទំនើប ។

នាពេលខាងមុខនេះ គ្រឹះស្ថានមីក្រូហិរញ្ញវត្ថុ អមតៈ មានបំណងបង្កើតផលិតផល និងសេវាកម្មថ្មីជាច្រើន ទៀតដើម្បីសម្រួលដល់ប្រជាពលរដ្ឋ និងអាចជួយអោយគ្រឹះស្ថានក្លាយជាក្រុមហ៊ុនមួយដែលអាចមានសមត្ថភាពទ្រទ្រង់ប្រភពហិរញ្ញវត្ថុដោយខ្លួនឯងបាន ។

ទស្សនៈវិស័យ៖
ក្លាយជាដៃគូរដ៏អស្ចារ្យមួយ ក្នុងការធ្វើប្រតិបត្តិការផ្នែកហិរញ្ញវត្ថុ គ្រប់កាលៈទេសៈ និងគ្រប់ទីកន្លែង ដើម្បីភាពរីកចម្រើនរបស់ប្រជាពលរដ្ឋកម្ពុជា ជាពិសេសជាគ្រឹះស្ថានមួយដែលផ្តល់ឱកាស និងបរិយាកាសការងារល្អដល់បុគ្គលិក។

បេសកកម្ម៖
ផ្តល់ជូននូវផលិតផលហិរញ្ញវត្ថុដែលមានលក្ខណៈសាមញ្ញច្រើនប្រភេទ តាមរយៈសេវាធនាគារដែលល្អបំផុត។

ផលិតផល

ឥណទានផ្ទាល់ខ្លួន
ឥណទានទិញម៉ូតូ
ឥណទានទិញឡាន
ឥណទានខ្នាតមធ្យម
ឥណទានដាក់កាតគ្រី
ឥណទានទិញកង់បី